Գերմանացու կարծիքով, Ռոնալդուն բարելավել է իր խաղը «Ռեալ Մադրիդի» կազմում: Շուստերը գտնում է, որ պորտուգալացի աստղն այլևս ավելի հավասարակշռված ֆուտբոլիստ է. կոտրել է իր եսասիրական սովորույթները՝ դառնալով «Սանտիագո Բեռնաբեուի» խաղացող:

Նա լավ բնութագրումներ է տվել Ռոնալդուին, ով հիմա Պորտուգալիայի հավաքականի կազմում մասնակցում է «Եվրո2012»-ի՝ Իսլանդիայի դեմ որակավորման խաղին:

Ռոնալդուն Լա Լիգայում յոթ գոլ է խփել հինգ խաղում: Շուստերը զգում է, որ Ռոնալդուն այժմ ավելի պատասխանատու է, նրա մեջ պատասխանատվությունն ավելի մեծ է, քան նախորդ տարիներին էր:
- Ռոնալդուն շատ եսասեր էր, բայց նա փոխվել է,- ասել է Շուստերը «Punto Radio»-ին.- նա սկսել է հասկանալ, որ ոչ մի բանի չի հասնի՝ խաղալով ինքն իր համար: Նախկինում նա միշտ ցանկանում էր լինել դիտարժան, ուշադրություն բևեռել իր վրա, սակայն այժմ նա ավելի շատ գործում է թիմի ու թիմակիցների համար: Ամեն դեպքում ես ուրախ եմ նրա համար, քանի որ լավ է ուշ, քան երբեք: Նա սքանչելի ֆուտբոլիստ է: