Կենսագրությունը

Կրիշտիանու Ռոնալդու դուշ Սանտուշ Ավեյրուն ծնվել է 1985թ. փետրվարի 5-ին,Մադեյրա կղզու Ֆենշուալ քաղաքում:
8 տարեկան հասակում հայրենի քաղաքում գտնվող «Անդորինայում» հաշվապահ աշխատող Ռոնալդուի հայրը`Ժոզե Դինիշ Ավեյրուն,որդուն տարավ այդ թիմի մանկապատանեկան դպրոց:Երկու տարի անց հրաշամանուկին նկատեցին «Սպորտինգի» ղեկավարները, սակայն ժամանակից առաջ ընկնել չկամեցան:Կրիշտիանոի համար սկսեցին պայքարել կղզու երկու թիմերը` «Մարիտիմուն» և «Նասիոնալը»,արդյունքում 10-ամյա Ռոնալդուն հայտնվեց «Նասիոնալում»:

Վեց ամիս անց «Նասիոնալի» և «Սպորտինգի» միջև իսկական պատերազմ սկսվեց:«Սպորտինգից» կղզի փախավ երիտասարդ ֆուտբոլիստ Ֆրանկուն,նրա համար «լիսաբոնյան առյուծները» 13000 դոլար պահանջեցին,«Նասիոնալը» չուներ նման փողեր,սակայն պարտքն ուշ թե շուտ վերադարձնել է պետք: Ահա և «Սպորտինգին» հանձնվեցին Կրիշտիանուի բոլոր իրավունքները:Որպեսզի փոքրիկն ավելի արագ հարմարվի նոր միջավայրին,այնպես արեցին, որ նրա մայրը`Դոլորես Ավեյրուն աշխատի ակումբի համակարգում:2001թ. « Սպորտինգի» գլխավոր մարզիչ` Լ. Բոլոնին շատ արագ հայտնաբերեց,որ թիմի երիտասարդական կազմում հանդես եկող փոքրիկն իր խաղային տվյալներով գերազանցում է հիմնական կազմի մի շարք ֆուտբոլիստների:Հազիվ 16-ը բոլորած Ռոնալդուին Բոլոնին ներգրավեց Պորտուգալիայի առաջնության խաղերին:

Մինչև 17 տարեկան ֆուտբոլիստների Եվրոպայի առաջնության շնորհիվ ֆուտբոլային աշխարհն ավելի լավ ճանաչեց Կրիշտիանու Ռոնալդուին:
Հաջորդ տարի Բոլոնին գտավ,որ եկել է Ռոնալդուի ժամանակը:Առաջին իսկ խաղը,«Ինտերի» հետ Չեմպիոնների Լիգայի մրցաշարի 3-րդ որակավորման փուլի հանդիպումն էր.իսկ չորս օր անց Պորտուգալիայի առաջնության շրջանակներում անդրանիկ խաղն անցկացրեց «Մորեյրենսեի» դեմ` մրցակցի դարպասը գրավելով երկու անգամ:
Բոլորի համար անսպասելիորեն Ռոնալդուն հայտնվեց «Մանչեստեր Յունայթեդի» կազմում: 2003թ. մանկունիանցիները Մադրիդի «Ռեալին» վաճառեցին Դեվիդ Բեքհեմին և ընդհամենը օրեր անց նրա փոխարեն ձեռք բերեցին արագավազորդի տվյալներ ունեցող, 18-ամյա թինեյջեր Կրիշտիանու Ռոնալդուին:
«Մանչեստեր Յունայթեդը» Ռոնալդուի համար «Սպորտինգին» վճարեց 17.5 մլն.եվրո:Ռոնալդուն իր նոր թիմում ստացավ Բեքհեմի 7 համարի մարզաշապիկը:Չնայած,որ անձամբ Ռոնալդուն ցանկանում էր ստանալ 28 համարը`որով նա խաղում էր հարազատ «Սպորտինգում» :

Նոր թիմում պորտուգալացի «ոսկե տղան» անմիջապես, ի լուր ամենքին,հայտարարեց իր մասին: Արագությունն ու յուրօրինակ դրիբլինգը նրան նկատելի դարձրին Ֆերգյուսոնի թիմում:Մանկունիացիների կազմում անցկացրած առաջին իսկ խաղում Կրիշտիանուն փայլեց իր ողջ հմայքով:«Մանչեստեր Յունայթեդը» «Բոլթոնին» հաղթում էր 1-0 հաշվով, 60-րդ րոպեին Ռոնալդուն մտավ փոխարինման,մանկունիացիները խաղը շահեցին 4-0 հաշվով:
Այդ խաղից ընդհամենը մեկ շաբաթ անց նա հրավիրվեց Պորտուգալիայի հավաքական: Ղազախների հետ խաղում նա փոխարինման մտավ իր կուռքի`Լուիշ Ֆիգուի փոխարեն: Եվրո-2004-ում ֆուտբոլային աշխարհը նրանում տեսավ պատրաստի աստղի:Միայն եզրափակիչում Ռոնալդուն իր սուր անցումներով չկարողացավ կոտրել հունական պարիսպը:Մունդիալ-2006-ի 1/4-րդ եզրափակիչ փուլում,Անգլիացիների հետ խաղում եղավ Ուեյն Ռունիի հետ կապված տհաճ միջադեպը:Հանդիպման 62-րդ րոպեին խաղադաշտի կենտրոնում գնդակի համար պայքարում էին Ռունին ու Ռիկարդու Կառվալյուն:Անգլիացու օգնությամբ պորտուգալացի պաշտպանը հայտնվեց խոտածածկին:Սա էլ բավական չէր Ռունին միտումնավոր ոտքով հարվածեց Կառվալյուին: Մինչ գլխավոր մրցավար Օրասիո Էլիսոնդոն մոտենում էր Ռունիին,Ռոնալդուն բավականին կրքոտ ցույց էր տալիս, որ արգենտինացի մրցավարը պետք է հեռացնի անգլիացի հարձակվողին:

Անգլիացի ֆուտբոլասերներն ավելի հեռուն գնացին:Նրանք Ռոնալդուին սպառնացին,որ հաշվեհարդար կտեսնեն նրա հետ եթե պորտուգալացին վերադարնա Մառախլապատ Ալբիոն: Ֆերգյուսոնը Մադեյրա կղզի ուղղարկեց Կառլուշ Կեյրուշին: Նա Ռոնալդուի մոր `Մարիա Դոլերեսի հետ կարողացավ համոզել Կրիշտիանուին,որպեսզի նա վերադառնա Մանչեսթր:Վերադարձավ և ճիշտ արեց,քանի որ 2006-07 մրցաշրջանը դարձավ նրանը:Ուեյն Ռունիի հետ ձեռք սեղմելուց հետո Ռոնալդուն մի իսկական իրարանցում առաջացրեց Պրեմիեր Լիգայում:Նրա օգնությամբ «Մանչեսթր Յունայթեդը» մի քանի տարվա դադարից հետո վերադարձրեց չեմպիոնական կոչումը,այդ մրցաշրջանում Ռոնալդուն մասնակցեց 34 հանդիպման`դառնալով 17 գոլի հեղինակ:Հաջորդ երկու մրցաշրջաններում ևս Ռոնալդուն «Մանչեսթր Յունայթեդի» հետ դարձավ Պրեմիեր Լիգայի չեմպիոն:
2007-08թթ «Մանչեսթր Յունայթեդի» հետ հաղթեց Չեմպիոնների Լիգայի գավաթը,եզրափակիչում գրավելով «Չելսիի» դարպասը:

2008թ. Ռոնալդուն դարձավ «Ոսկե Գնդակի» դափնեկիր:Ինչպես նաև ՖԻՖԱ-յի որակաորման համաձայն արժանացավ մոլորակի լավագույն ֆուտբոլիստի տիտղոսին:
«Մանչեսթր Յունայթեդի» կազմում Ռոնալդուն անցկացրած 291 խաղերում խփել է 118 գոլ:2009թ. ամռանը,երկարատև բանակցություններից հետո «Մանչեսթր Յունայթեդի» ղեկավարությունը,այնուհանդերձ որոշեց պորտուգալացուն վաճառել «Ռեալին»:«Արքայական ակումբը» Ռոնալդուի համար վճարեց ռեկորդային գումար` 94 մլն եվրո:
Ռոնալդուն առաջին պաշտոնական գոլը «Ռեալի» կազմում խփել է 2009թ. Իսպանիայի առաջնության հենց առաջին տուրում` «Դեպորտիվոյին»:
Եվ ահա,մինչև օրս Ռոնալդուն շարունակում է իր հիանալի ելույթները «Արքայական ակումբում»:

Ռոնալդուն նաև կանոնավորապես մասնակցում է բարեգործական ակցիաներին,մասնավորապես օգնում է տարերային աղետներից տուժածներին: