Մադրիդի «Ռեալի» կիսապաշտպան Քրիշտիանու Ռոնալդուն կարող է մասնակցել ազգային առաջնության 8-րդ տուրի շրջանակներում կայանալիք «Բետիսի» հետ հանդիպմանը, հաղորդում է AS-ը։

Նախավերջին մարզմանը պորտուգալացին մարզվել էր անհատական ծրագրով։ Սակայն հինգշաբթի նա արդեն միացել էր ընդհանուր խմբին։

Օրերս «Արքայական ակումբի» և Պորտուգալիայի հավաքականի բժիշկները միաձայն հայտարարել են, որ ֆուտբոլիստը պետք է ընդմիջում վերցնի և նման լարվածությամբ չաշխատի, քանի որ Ռոնալդուն խնդիրներ ունի ազդրի հետ, սակայն նա, այնուամենայնիվ, մասնակցել է «Եվրո-2012»-ի ընտրական փուլի՝ Դանիայի հետ կայացած հանդիպմանը։